ZIL HIJJA KE PAHELE ASHRE KI FAZILAT

Allah ta‘ala ne ummat_e_Muslima pr khususi fazl wa karam farmaya ke is ki hidayat ke liye Mohammad ((saw)) ko aakhiri Rasool bana kar mabus farmaya . .
Isi tarha Allah ta‘ala ne is ummat ke nek bando ke liye khaas maherbani karte hue aise moaqe aur awqat muqarrar farmaye jin me ye log kasrat ke saath nek aamal ka aehtamam kate hai . Apne liye zayada se zayada khair aur bhalayi jama karne ki koshish karte hai. 

Jb ke . .
Gafil log in lamhat ko laho wa la‘ab me guzar dete hai ya so kar zaaye kar dete hai aur inhe ilm bhi nhi hota hai ke woh kitne sunhere awqat aise hi gaflat me guzar rahe hai . .
Agr. . 
Woh in awqat me thora sa bhi nek aamal ka aehtamam kare to ye inke liye dunya wa maafihaa se bahetar ho. .
Aise ayyam aur awqat me se qabile zikr aur intehayi aehmiyat ke haamil 
“ZIL HIJJA KE PAHELE 10 DIN HAI“
Kitabullah aur sunnate Rasool allah ((saw)) ne jaa baja in ayyam ki fazilat ko ujagar kiya hai. .
Jiska mukhtasar zikr is tarha hai. .
Allah ta‘ala ne quràn majid me irshad farmaya hai. .

والفجر وليال عشر

Qasm hai fajr ki ! Aur 10 raato ki.
((Surah Fajr : aayat no.1_2))
Aksar mufassirin ke nazdiq 10 raato se murad zil hijja ki ibtadayi 10 raate hai. .

((Qurànul kareem ‘ tafsir surah farj))

In dino ki fazilat aahadis se bhi sabit hai...

Nabi ((saw)) ne farmaya :
“Ashrah zil hijjah me kiye gaye amal_e_soaleh Allah ko sb se zyada maheboob hai hatta ke jihad fi sabilillah bhi itna pasan dida nhi ‘ siwaye us jihad ke jis me insan shahid hi ho jaye“
((Bukhari ‘ bab : fazlul amal fi ayyamit tashriq))

ravi abdullah bin abbas ((ra)) se riwayat hai: 
Rasool Allah ((saw)) ne farmaya:
“Allah ta‘ala ke yaha in 10 dino se badh kr koi fazilat wale din nhi hai aur koi amal in dino ke amal se badh kr nhi hai is liye in dino me zyada se zyada TAHELIL ‘ TAKBEER aur TAHMID bayan karo “
((Musnad ahmed 2/75,131 nd 132))

TAHELIL: La ilaha illallah. 

TAKBEER: Allahu akbar . 

TAHMID: Alhamdulillah. 
Hafiz ibn hajr ne apni kitab Fatahul baari me zikr kiya hai:
In 10 ayyam ki fazilat ka sabab jo mahsus hota hai woh ye hai ke in 10 dino me asl ibaadat jama ho jati hai. . Jin me Namaz ‘ Roza ‘ Sadqa ‘ Hajj ‘ shamil hai jb ke in ayyam ke aalawa ye ibaadat kisi 1 jagah ikhatti nhi hoti .

((Fatahul baari. . Hafiz ibn hajr))

Hame chahiye ke hm in dino me kasrat se allah ki ibadat kare . .

Allah subhan wa ta‘ala hm tamam ko in dino me kasrat se teri ibadat ki tawfiq aata kare. .

Aameen