TAWAQQAL AALALLAH

Tawaqqul ke maana hai:
Aitebar karna aur bharosa karna :

Kisi ko aap apne maamlat sonp de aur apne ikhteyarat kisi ke supurd karde to goya aap ne is pr tawaqqul kiya.
AUR:
Tawaqqul aisi hasti pr karna chahiye jo hr tarha se kamil ho. .
Jis me koi aib aur kamzori na ho. . 
Jo hr tarha ki ta‘aqato aur qudrato ka maalik ho...

Zahir hai:
Woh hasti sirf Allah suhan wa ta‘ala ki hi zaat hai.
Jis pr tawaqqul kiya jaye. .

QURÀN:

Aur Momino ko sirf Allah ta‘ala pr Bharosa karna chahiye . .
((Surah Ibrahim:aayat no.11))

Jo Allah pr bharosa kare iske liye woh ((Allah)) kafi ho jata hai.Allah Apna kaam pura karke rahta hai.
((Surah Talaq: aayat no.3))

Ham log tawaqqul ka matlb ye samjhte hai ke hr cheez Allah ke ikhteyar me hai. 
Is liye maamlat Allah ke hawale kr do bs hamara kaam khatam . Ab hame kuch karne ki zarurat nhi na koi tadbeer karne ki zarurat hai na mahenat ki . Hasbe khoahish aap se aap ho jaye ga . .

LEKIN:
Na ye hamari soch sahih hai na ye tawaqqul ka matlb sahih hai . 

Balke!
Ham apne aap ko fareb de rahe hai. .

Tawaqquk ka sahih matlb ye hai ke :
Jo kuch or jayese kuch zaraye wa wasail apne bas me or jitni salahiyat hame hasil ho ‘ inko puri tarha istemal kare OR phir natayej ko Allah ke upar chor de . . 
Phir
Ye umed rakkhi jaye ke jo bhi natija bar aamad hoga woh Allah ki janib se hamare haq me bahetar hi hoga. .
Agr 
Natija hasb _e_khoahish na nikle to isko Allah ki hikmat wa maslihat samjhe aur mayus na ho...

Aur Agr
Hasbe khoahish natija nikle to ise apni tadbeer ka natija na samjhe . .balke ise Allah ka fazl wa karam samjhe..

Agr koi tadbeer na kare to ye tawaqqul aalallah ke manafi hai. .
Tirmizi ke hadis ka mafhum
Aap ((saw)) se pucha gaya uont (camel) ko band kr tawaqqul karo ya chor kr Aap ((saw)) ne farmaya:
Bhando aur tawaqqul kare.

QURÀN:
Jab aapka pukhta irada ho jaye to Allah pr bharosa karo be shak Allah tawaqqul karne walo se mohabbat karta hai.
((Surah Ale imran ‘ aayat no.159))

حَسبُنَا اللهُ وَ نِعمَ الوَكِيل

Hamare liye Allah hi kafi hai aur woh bahetarin kaar saaz hai.
((Quran :3/173))