ZALEEM AUR MAZLOOM KI MADAD KARNA ISLAM HAI PAR KAISE ??

Hazrat Ana's raziallah se riwayat hai unhone kaha Rasool Allah ﷺ ne farmaya tum Apne bhai ki MADAD karo khaah (chahe) wo Zalim ho ya mazloom

Sahaba Kram raziallah ne Arz Kiya ya Rasool Allah ﷺ wo Mazloom ho to uski MADAD karenge

Lekin Zalim ki MADAD kis tarha kare ??

AAP ne farmaya uske hath pakad kar use Zulm se Roko

((SAHIH BUKHARI # 2444))

Zalim Ko rokhna aur Mazloom ki madad karna. Ye dono zaroori hai

Ek hadees me hai ke burae Ko rokhe apni taqat ke mutabik

Hath se
Zaban se
Ya Dil me Bura Jan kar

Ye iman Ko Sabse chota darja hai agar ye bhi nahi to Apne IMAAN ki Kushi manao

From www.ekummat.blogspot.in share to all

MUSALMAN PAR ZULM NA KARNA USKI MADAD KARNA AUR AIB CHUPANA KE FAIDE

Hazrat Abdullah bin Umar raziallah se hee riwayat hai ke Rasool Allah ﷺ ne farmaya musalman musalman ka  bhai hai lehaza na wo uspar zulm kare aur na hee use zulm ke hawale kare

Jo shaks Apne bhai ki hajat rawaee (MADAD Karne ) me mashroof hota hai to Allah ta,ala Qayamat ke din uski museebat Ko door karega

Aur Jo shaks musalman ka AIB chupaye Qayamat ke din Allah ta,ala uski parda poshi karega

(( SAHIH BUKHARI # 2442))

AAJ musalman dusre MUSALMAN  ki izzat ki dajjiya udhana me Magan hai aur Zara sa uska weak point mil jaye yani AIB sabko batata firega Allah rahem kare ameen

From www.ekummat.blogspot.in share to all

BAKRIYAAN CHARANA HAR NABI KI SUNNAT RAHI HAI

Hazrat Abu Huraira Raziallah se riwayat hai woh Rasool Allah ﷺ se bayan karte hai ke App ne farmaya Allah ta,ala ne koi Nabi Aisa nahi bheja jisne bakriyaan na charayee  ho

sahaba kiraam ne Arz Kiya AAP ne bhi ??

FARMAYA haa Mai bhi kuch qeeraat ke ewaz ahle Makkah ki bakriyaan charaya karta tha

((SAHIH BUKHARI # 2262))

Ye har Nabi ki sunnat Rahi hai hame is sunnat par bhi Hamal karna chahiye aur isse ghar me Barkat bhi Hoti hai Bakri palne se

From www.ekummat.blogspot.in share to ally

DEEN KA KAM KARNE KE LIYE AGAR KOI SHAKS O'HDAH (TITLE) MANGE TO ??

Hazrat Abu Musa raziallah se riwayat hai ke unhone kaha ke Mai Rasool Allah ﷺ ki khidmat me Hazir huwa mere sath Asha'ri Qabeeleh ke do Aadmi the

Unhone Rasool Allah ﷺ se kisi O'hdah ki darkhaast ki Maine Arz Kiya ya Rasool Allah ﷺ Mujhe maloom nahi tha yeh mansab chahate hai AAP ne farmaya hum us shaks Ko hargiz kisi kaam me mamoor nahi karte jo khud Aamil banne ka khaahish mand ho

((SAHIH BUKHARI # 2261))

Is hadees se maloom hua ke koi agar koi ohdeh yani title ke saath Kam karna chahata hai to usko nahi Dena chahiye wo title

Maslan kisi masjid me koi kahe ke mujhe *Ameer* banao koi kahe ke mujhe *secretary* banao wagaira wagaira to usko us ohdeh par nahi khada karna chahiye isse Nabi ﷺ ne mana farmaya hai ye unki sunnat hai

From www.ekummat.blogspot.in share to all

PADOSI KO TAUFA DENA AUR KIS PADOSI KO PHELE DENA ?

?

Hazrat Aysha Raziallah se riwayat hai unhone kaha Ya Rasool Allah ﷺ do padosi hai un mese phele kisko taufa bheju ??

AAP Ne farmaya jiska Darwaza tumse zyada Qareeb ho

((SAHIH BUKHARI # 2259))

IS hadees se hame malum hue ke padosi se ache se pesh ana chahiye

Aur unhe taufa bhi Dena chahiye take Dil me Mohabbat bade aur phele usko  Dena hai jiska Darwaza karib ho take Darwaza par karke JAENGE padosi ke to wo padosi galat guamani na rakhe Dil me

Par afsos Aaj kal Mohabbat Kam jhagde zyada hota hai agar bat karenge bhi to Dil me nafrat bugz hasad rakhte hue khas kar aurte

From www.ekummat.blogspot.in share to all

APP NE QARZ ADA KARNE KI NIYYAT SE LIYA HAI ? YA DUBANE KI ??

Hazrat Abu Huraira Raziallah se riwayat hai woh Rasool Allah ﷺ se bayan karte hai ke

AAP ne farmaya jo shaks logo se is Niyyat se Qarz le ke wo unhe Ada kar dega to Allah Ta,ala use Ada karne ki Taufik se Nawazega

Aur Jo shaks logo ka Maal zaaye kar dene ka Iradah se lega To Allah Usko Zaaye Kar Dega

((SAHIH BUKHARI # 2387))

Agar Qarz Ada karne ki niyyat se koi Qarz le to Allah Qarz Ada karne ke asbab paida kardega aur zyada muflisi ki wajah se na de paya to Qayamat ke din jisse karz Liya tha usko kush karke Maaf karwadega

Aur Jo dene ki niyyat hee na rakhe to Allah Ta,ala unka maal dunya me bhi zaya kardega aur akhirat me bhi Bhari Azab hai

Allah hame aur apko awwalan to Qarz Lene ki naubat hee na laye aur kabhi Abhi jaye to usko Ada karne ki Taufik de Ameen

From www.ekummat.blogspot.in share to all

NABI SE MOHABBAT AUR PANI KO PHELE DAYEH JANIB SE DENA

Hazrat sahal bin Saad Raziallah se riwayat hai unhone ne farmaya ke Rasool Allah ﷺ ke paas Paani ka ek bada piyalaah laya Gaya

 AAP ne usme se Piya USS waqt AAP ke daayen janib ek Kam sin ladka bhaitha hua tha jab ke baayen taraf sab umr Raseeda log the AAP ne us waqt ladke se farmaya

Barkhurdar Kiya tu ijazat deta hai ke Mai baqyah Paani in bade logon Ko de doon ??

Usne Arz Ya Rasool Allah ﷺ AAP se bache hue Paani par Apne upar kisi aur Ko tarjeeh nahi de Sakta chananche AAP ne wo piyalaah usko Enayat farmaya

((SAHIH BUKHARI # 2351))

IS Hadees se maloom hua ke khane peene ki koi bhi cheez ya acha Kam daye janib se shuru Kiya jaye

Aur Nabi ﷺ se Mohabbat kaisi thi nawjawan ki ye bhi pata chala alhumdulillah

From www.ekummat.blogspot.in share to all

SHARABI KE SATH KAISA SULOOKH ??

Hazrat Uqbah haaris Raziallah se Riwayat hai unhone farmaya ke Nau'ymaan Raziallah Sharab Noshi ke jurm me paish Kiya Gaya to Rasool Allah ﷺ ne jo log ghar me Maujood the unhe hukm diya ke usko mare

Hazrat Uqbah Raziallah kahete hai ke mai bhi unlogo me tha jinhone usko maara humne jooton aur chediyon se use Peeta tha

((SAHIH BUKHARI # 2316))

Is hadees se hame maloom hua ke sharabi Ko had lagane ke liye peet na chahiye aur ye bhi pata chala ke uska hosh me Ane ka intezar na Kiya jaye

Share to all

GHAR ME KUTTA PALNA NEKIYON KI KAM HONE KA SABAB HAI

Hazrat Abu Huraira Raziallah se Riwayat hai ke Rasool Allah ﷺ ne farmaya ke jo shaks Kutta paalta hai to Rozana uski

Nekiyon me se ek Qeerat ke Barabar Sawab Kam hota rahega Albatta kheti ya Rewad ki Hifazat ke liye kutta rakha Jaa Sakta hai

((SAHIH BUKHARI # 2322))

Aaj kutta palna passion Bana hua hai Aur Afsoos dar Afsoos ke musalman palte hai ye jaiz nahi aur NEKI me kami ka sabab bhi hai

Share to all

QARZ LENE KE BAD LAUTA TE WAQT KHOOBI KE SATH LAUTA NE WALA BEHTAR HAI

Hazrat Abu Huraira Raziallah se Riwayat hai ke ek shaks Rasool Allah ﷺ ke pass Aya aur bade sakhth Alfaz me AAP se apne qarz ka mutalba karne Laga USS par sahaba kiraam

Ne usse Marne ka Irada Kiya Magar Rasool Allah ﷺ ne farmaya isko chodh do Sahib-e-haq aisi batain kar sakte hai phir Aap ne farmaya

Ise utni hee umr ka ka ount (camel) dedo jis umr ka uska ount tha logo ne kaha USS umr ka Ount nahi balke usse behtar umr ka Ount Maojud hai AAP ne farmaya

Wohi dedo kyunke tum me Accha wo hai jo khoobi ke sath Qarz Adaa Kare

((SAHIH BUKHARI # 2306))

From www.ekummat.blogspot.in share to all

JISKE SATH ALLAH BHALAEE KA IRADA KARE TO KYA KARTA HAI ??

Wo Qudbe me farma rahe the ke maine Rasool Allah ﷺ Ko ye farmate hue Suna ke jis shaks ke sath Allah ta,ala

Bhalaee ka irada kare usse Deen ki samajh Inayat farma deta hai aur Mai to mahez taqseem karne wala wala hu

Dene wala to Allah hee hai aur ye UMMAT hamesha Allah ke hukm par qayam rahegi aur Jo shaks inki mukhalifat karega unhe Nuksan nahi paucha sakenge yaha takke Allah ka hukm (Qayamat) ajaye

((SAHIH BUKHARI #71))

SHARE TO ALL

AGAR HUM KISI TANGDAST YA MALDAR KE SATH NARMI KARE TO ALLAH BHI NARMI KARTA HAI

Hazrat Huzaifa Raziallah se Riwayat hai unhone kaha Rasool Allah ﷺ ne farmaya ke phele Zamane me Farishton ne Ek shaks ki Rooh se Mulakat kar ke poocha kya tune koi Nek Kam Kiya hai ??

Usne kaha main Apne Mulaazameen (workers) Ko ye hukm deta tha ke woh tang dast Ko Adayeegi me mohlat den Aur aur Maldar se Narmi kare to Allah ne bhi mujhse Narmi Iktiyar farmayi

 ((SAHIH BUKHARI # 2078))

IS hadees se hame malum hua ke koi gareeb agar kisi wajah se apko paise dene me deri kar Raha hai to hame maolat Deni chahiye

aur Agar wo MALDAR HO  tab bhi USKO Maolat Deni chahiye

Share to all

TAQWE WALE MUSALMAN YA BHADAKH NE WALE INSAAN ??

Hazrat jaabir bin Abdullah Raziallah se Riwayat hai ke Rasool Allah ﷺ ne farmaya Allah ta'ala us shaks par rahem farmaya jo bechte khareedte aur taqaaze karte waqt Narmi aur Kushaadah Dil se kaam le

(( SAHIH BUKHARI # 2076))

Aaj hame dekhne me ata hai ke 4 maheene JAMAT me waqt Laga chuke badi badi dadhi SAR par topi hai par jab apna maal bechne ke waqt ye girahak se aisi bat karenge ke lagega hee nahi ke ye aqhlaq ke dawadar musalman hai ??

Aur agar inke dukan ka saman thodi der dekh kar  agar bhav Kam kare to Aisa ulta sidha aur kadak laheje me kahenge ki na pucho

Mai sabki bat nahi karta kuch ache log bhi hote hai par jo sahi nahi unko nabvi tareeke se Kam Lena chahiye

Share to all

ALLAH KE NAZDEEK BEHTAR KAMAEE KAUNSI HAI ??

Hazrat Miqdaam Raziallah se Riwayat hai unhone kaha Rasool Allah ﷺ ne farmaya kisi shaks se Apne hath ki kamaee se zyada paak khana nahi khaya aur Allah ke Nabi Hazrat Dawood alaisalam bhi Apne hath ki kamaee se hee khaaya karte the

(( SAHIH BUKHARI # 2072))

Tijarat bhi halal hai
Ba shart ke wo Islami usoolo ke mutabik ho
Dhokebazi  na ho
Jhoot na ho
Wagaira wagaira

par yaha hadeeso ki roshni me hath ki kamaee Ko Afzal karar diya hai

Share  to all

HAME MADAD AUR RIZK KISKI DUAON SE PAUCHTA HAI PATA HAI ??

Saad bin ibne waqqas raziallah ka khayal tha ke inhe dusre bohot se sahaba par ( apni maldari aur bahaduri ki wajah se ) fazilat haseel hai to

Nabi Kareem ﷺ ne farmaya ke tum log sirf Apne kamzor Mazdoor logon ki duaon ke natije me Allah ki taraf se madad pauchaee jati hai aur unhee ki duaon se rizk diye jate hai

((SAHIH BUKHARI # 2896))

Aaj hamare aspas dekhlo  inhee garibo kamzoro ki duaon ki  wajah se  hee hame madad aur  rizk diya jata hai par hum hee unhe Bura Bhala kahe kar zaleel kar ke bhaga dete hai to wo dua denge hame ya bad dua ??

Share to all

APKI KAMAE HALAL HAI YA HARAM ISKI APKO FIKR HAI ??

Hazrat abu huraira raziallah se riwayat hai woh Rasool Allah ﷺ se bayan karte hai AAP ne farmaya logon par ek zamana Aisa ayega jab insan Ko uski kuch parwah nahi rahegi ke maal Ko HALAL tarike se haseel Kiya hai ya haram tarike se ??

((SAHIH BUKHARI # 2059))

Ye zamana achuka hai ye bat Nabi ﷺ ne 1400 saal phele Kahi thi jo AJ sabit bhi ho gayi hai

AJ kisi insan Ko ye fikar nahi ke wo kaha se kya Kamara hai bas usko paise se MATLAB hai hala ke uske Naseeb me jitna rizk likh diya Gaya wo usko milkar rahega ab uspar dipend hai ke wo halal se le ya haram se barehaal milega utna hee jitna likh diya Gaya hai

Share to all

NAMAZE JANAZA ME SURE FATIHA PADHNA SUNNAT HAI

Hazrat IBNE abbas raziallah se riwayat hai ke unhone ek dafa janaza me *sure fatiha* ba awaz buland padhi aur kaha ke (maine isliye Aisa Kiya hai) take tum log janlo ke iska padhna SUNNAT hai

((SAHIH BUKHARI # 1335))

Kyunki NAMAZE JANAZA bhi ek namaz hai isliye isme sure fatiha padhna lazim hai

Kyunki hadeeso me ata hai ke jisne namaz me sure fatiha na padhi uski koi namaz nahi

Par Aaj aksar log sure fatiha nahi padhte janaze ki namaz me to imam khud nahi padhte sure fatiha

From www.ekummat.blogspot.in share to all

PHELE 12 WAFAT AUR AB EID-E-MILAAD KYUN YE BIDDATE HASNA HAI KYA ??

Abdullah Ibn Umar (r.a) farmate hain,
Tamam Biddatein gumrahi hai agarche “Ba-Zaahir woh, logon ko acchi lagein

((SUNAN KUBRA BAIHAQI (HADITH138))

Jo log Biddat ko taqseem karke Gumrahi pahlarahe hai jaise Bidat e Sayya, Biddat e Hasna un logo ke radd ke liye ye Hadees se behtareen aur koyi islaah nahi

Aur ek bat batata chalu ke ye milaad ki Islam me koi asal nahi hai zyada nahi kuch 10 saal phele hee isko 12 wafat kaha jata tha kyunki sabko pata hai ye Nabi ki wafat ka din hai par inko wafat ke din Kushi manani thi isliye iska Naam eid e milaad rakh diya

Zara Gaur karna 10 saal phele is eid ka koi wajood hee nahi tha Aaj uska kya Alam hai aur age kya Alam hoga

From www.ekummat.blogspot in share to all

KARTE RAHO SHIRK O BIDDAT NOOH ALAISALAM KI QAUM KI TARHA AZAAB BHI USSI TARHA AYEGA

(Nooh alaisalam ne) kaha aye mere parwardigar maine apni qaum Ko raat din teri taraf Bulaya

Magar mere bulane se yeh log aur zyada bhagney Lage

Maine jab kabhi unhe teri bakshish ke liye Bulaya unhone apni ungliya Apne Kaano me daale aur Apne kapdon Ko oud Liya aur uth Gaye aur bada takabbur kiye

((SURE NOOH # 5 to 7))

Inho ne din raat mahenat ki tab bhi na mane to hum kya chiz hai bas jo bhai dawat ke kamo me Lage hai wo Kam karte jaye mayus na hoyiye

Inko samjha samjha kar thak Gaye hai ke bhai ye shirk hai ye biddat hai par ye bilkul ussi qaum ki tarha takabbur karte hai Allah hidayat de unhe ameen

From www.ekummat.blogspot.in share to all

*SIWAYE MOMIN KE SABHI TO BIDDATE KAR RAHE HAI*

1) Jhande lagane ki daleel alag jisse sirf jhanda pakad na sabit hota hai

2) Eid ka din hai ye daleel alag  jisse sirf Jummah eid ka din hai Teesri eid sabit Hoti hai

3) kush hone ki daleel alag jisse sirf Dil me Kushi mehsus karna sabit hota hai Kushi manana nahi

4) Apne rab ki nehmato ka charcha karo jisse sirf rab ki nehmato ka zikr karte RAHENA sabit hota hai

5) Apne tume Tumi mese ek Rasool diya Ehsan Kiya ispar Allah ka shukr karna sabit hota hai

NOTE ; KYA HUMKO JO 2 EID DI HAI ISLAM NE  KYA USKO SABIT KARNE KE LIYE KABHI ITNE DALEEL YAHA WAHA SE JAMA KARNE KI ZAROORAT PADHI HAI ??

AGAR AQAL HAI TO SOCHO

1) EID UL FITR KI EK HEE DALEEL SE EID USKE MASAIL KE LIYE SIRF ALAG HADEES
2) EID UL ADHA KE LIYE EK HEE DALEEL USKE MASAIL KE LIYE BAKI DALEEL

*PAR YAHA ULTA HAI SIRF EID E MILAAD SABIT KARNE YAHA WAHA KI DALEEL PAR USKE MASAIL PAR EK BHI HADEES NAHI TAJJUB HAI ??*

FROM www.ekummat.blogspot.in share to all

KYA AP SAWAB KI NIYYAT SE AJMER JATE HAI ?? TO YE HADEES PADHLE EK DAFA

Hazrat abu huraira raziallah se riwayat hai woh Rasool Allah ﷺ se bayan karte hai ke Aap ne farmaya teen masjidon ke alawa (sawab ki niyyat se) kisi aur masjid ki taraf Safar na Kiya jaye

1) masjid e haram
2) masjid e nabavi aur
3) masjid e Aqsa

((SAHIH BUKHARI # 1189))

Kisi jagah Safar karna kapde wagaira lekar sawab ki niyyat se Jana jaiz nahi hai par Aaj hum dekhte hai log sawab ki niyyat se

*Ajmer* haji Ali aur pata nahi kis kis astane par jate hai ye katan jaiz nahi haram hai kisi aur jagah ke liye sawab ki niyyat se Safar karna Allah unhe hidayat de ameen

From www.ekummat.blogspot.in share to all

SAJDA-E-SAHU KA SAHI TARIKA JISSE AaJ AKSAR LOG BEKHABAR

Hazrat Abdullah bin buhainah raziallah ( jo qabeelah azdeshanoah se hai aur bani abd-e-manaaf ke haleef aur Rasool Allah  ﷺ ke 

ashaab se the) se riwayat hai ke

Rasool Allah ﷺ  ne logo ke ek din namaz-e-zohar padhayee aur pahli do rakat ke bad bhaithne ki bajaye khade ho gaye log bhi Aap ke sath khade ho gaye

jab aap apni namaz puri karchuke to log intezar me the ke ab salam pherenge to Aap ne bhaithhe hee bhaithe allahu akbar kaha salam se phele do sajde kiye phir  salam phera

(( SAHIH BUKHARI # 829))

Ye sajda sahu ka sahi tarika hai jo sunnat se sabit hai aur ye masla bhi malum hua ke 4 rakat me agar phele tashaud me bhaitha bhool Gaye to namaz batil nahi Hoti usko daura ne ki zaroorat nahi sajda e Sahu kafi hai

From www.ekummat.blogspot.in share to all

RUKE SE SAR UTHA KAR AGAR YE DUA PADHE TO FARISHTE APAS ME SAWAB LIKHNE KE LIYE JALDI KARTE HAI

Hazrat Rifa'ah bin rafee zarqi raziallah se riwayat hai unhone farmaya ke hum ek din

 Rasool Allah ﷺ ke peeche namaz padh rahe the jab AAP ne ruku se sar utha kar farmaya

(سمع الله لمن حمده)
 *Samiullah HuLiman hamidah*

To ek shaks ne piche se kaha

(ربنا ولك الحمد حمدا كثيرا طيبا مباركا فيه)


 *Rabbana walakal hamdu hamdan kaseeran tayyaban mubarakan fee*


Jab AAP namaz se farigh hue to farmaya ke ye kalimat kisne kahe the ??

Wo shaks bola maine tab AAP ne farmaya ke Maine 30 se zyada farishto Ko dekha ke woh ispar baaham sabqat karte  the ke Kaun usko phele qalamband kare ??

((SAHIH BUKHARI # 799))

To malum hua ke in kalimat Ko ruku ke bad kahene ki kya fazilat hai ke farishte jaldi karte hai iska sawab LIKHNE ke liye aur isko ba awaz buland kahena jaiz hai aur sunnat bhi par

Aaj aksar masjido me iska ehtemam nahi hota ruku ke bad itna waqt hee nahi dete imam ke ye dua padhli jaye aur baaz Ko ye dua pata hee nahi Hoti

From www.ekummat.blogspot.in share to all

Hazrat Rifa'ah bin rafee zarqi raziallah se riwayat hai unhone farmaya ke hum ek din

 Rasool Allah ﷺ ke peeche namaz padh rahe the jab AAP ne ruku se sar utha kar farmaya

(سمع الله لمن حمده)
 *Samiullah HuLiman hamidah*

To ek shaks ne piche se kaha

(ربنا ولك الحمد حمدا كثيرا طيبا مباركا فيه)


 *Rabbana walakal hamdu hamdan kaseeran tayyaban mubarakan fee*


Jab AAP namaz se farigh hue to farmaya ke ye kalimat kisne kahe the ??

Wo shaks bola maine tab AAP ne farmaya ke Maine 30 se zyada farishto Ko dekha ke woh ispar baaham sabqat karte  the ke Kaun usko phele qalamband kare ??

((SAHIH BUKHARI # 799))

To malum hua ke in kalimat Ko ruku ke bad kahene ki kya fazilat hai ke farishte jaldi karte hai iska sawab LIKHNE ke liye aur isko ba awaz buland kahena jaiz hai aur sunnat bhi par

Aaj aksar masjido me iska ehtemam nahi hota ruku ke bad itna waqt hee nahi dete imam ke ye dua padhli jaye aur baaz Ko ye dua pata hee nahi Hoti

From www.ekummat.blogspot.in share to all

RUKU AUR SAJDE ME YE DUA KARNA MUSTAHAB HAI REGULAR DUA KE ALAWA

HAZRAT Ayesha raziallah se riwayat hai wo farmati hai ke rasool allah # ruku aur sajde me ye dua padhte the

((سبحانك اللهم ربنا وبحمدك اللهم اغفرلي***))

((Subhanaka allahumma rabbana wabi hamdika allahummagh firli))

((SAHIH BUKHARI # 794))

Baaz ulma ruku me dua karne ko makrooh karar dete hai isliye imam Bukhari ne ye hadees nakal ki hai

 aur  hame bhi sunnat par Amal karte hue ye dua bhi padhni chahiye

NOTE : HUM JO RUKU AUR SAJDE KI DUA PADHTE HAI USKO TO PADHNA HEE HAI USKE BAD YE DUA PADHNA HAI

From www.ekummat.blogspot.in share to all

SHURU KI DO RAKAT LAMBI AUR AKHRI KI HALKI KARKE PADHNA

Hazrat abu qataadah raziallah se riwayat karte hai  ke Rasool Allah  ﷺ  zohar ki pehli do rakaton me sure fatiha aur do suratain mazeed padhte the aur pichli do rakaton me sirf sure fatiha padhte the aur kabhi koi ayat hame suna bhi dete the aur Aap pheli rakat ko doosri rakat se lamba karte iss tarah asr aur subha ki namaz me bhi yahi mamool tha

((SAHIH BUKHARI # 776))

Nabi ﷺ ka sunana ye sahaba Ko talim ke liye tha aur hame isse malum hua ke shuru ki do rakat lambi aur akhir ki 2 rakat halki padhna chahiye

From www.ekummat.blogspot.in share to all

NAMAZI NAMAZ KI HALAT ME AaJ PURI MASJID KA NAZARA KARTE HAI

Hazrat Ana's Raziallah se riwayat hai unhone kaha Rasool Allah # ne farmaya ke logon Ko Kiya huwa woh namaz main apni nazre Aasman ki taraf uthate hai phir Aap ne uske mutalliq badi sakhti se Irshad farmaya ke logo Ko isse  baaz Aana chahiye ya phir unki beenayi Ko uchak liya jaayega

((SAHIH BUKHARI # 750))

Hazrat Ayesha raziallah se riwayat hai unhone ne kaha maine Rasool Allah # se poocha namaz me idhar udhar dekhna kaisa hai ?? To Aap ne farmaya ye aisi dasbard hai jo shaitan bande ki namaz main karta hai

(( SAHIH BUKHARI # 751))

Aaj kal namazi lambi lambi dadhi wale Puri masjid ka nazara karte hai namaz me Allah dyan rahe nazre sirf Sajde ki jagah par hee hona chahiye  hidayat de hum sabko ameen

From www.ekummat.blogspot.in share to all

SAFO KO DURUST KARNA NABI KI SUNNAT HAI

Hazrat Ana's Raziallah se riwayat hai ke Rasool Allah ﷺ  ne farmaya safon Ko durust karo aur milkar khade ho jaao main tumain apni peeth ke piche se bhi dekhta raheta hu 

((SAHIH BUKHARI # 719))

Ye Nabi ka ek maujaza bhi hai is hadees ke shuru yu hai ke jab EQAMAT Kahi gayi to AAP ne apna chahera Mubarak
Hamari taraf mutawajjah karke farmaya tha

Aaj musalmano me ye etram nahi hota halan ke khud Rasool Allah ﷺ aur khulfae 

rasheedin ka ye mamool tha ke jab tak saaf durust na karlete namaz shuru na karte 

Allah hame deen ki gayri samajh aur uspar Amal karne wala banaye ameen

Fromwww.ekummat.blogspot.in share to all

IMAM SAHAB AGAR GALATI KARE TO UNKO GUNAH PAR MUQTADI KI NAMAZ PAR KOI ASR NAHI

Hazrat abu huraira raziallah se riwayat hai ke Rasool Allah  ﷺ ne farmaya jo log 

tumain namaz padhate hai agar teek padhayenge to tume aur unhe sawab milega aur agar galati karenge to tumare liye sawab hai Magar unke liye gunah hai 

((SAHIH BUKHARI # 694))

Aise halat main MUQTADI ki namaz main koi khalal nahi hoga jab ke unhone tamam sharayet wa arkaan Ko poora Kiya ho 

From www.ekummat.blogspot.in share to all

IMAM SAHAB KE SAR UTHANE SE PHELE APNA SAR UTHAKAR GADHE KI SHAKAL NA BANWAYE APNI

Hazrat abu huraira raziallah se riwayat hai woh Rasool Allah ﷺ se bayan karte hai ke aap ne farmaya kya tum main se jo shaks apna sar (head) imam se phele uthata hai 

usko ISS baat ka khauf nahi ke Allah ta.ala uske Saar Ko gadhe (donkey) ke sar jaisa Bana de ya Allah uski soorat gadhe Jaisi Bana de 

((SAHIH BUKHARI # 691))

Baaz log namaz me rukhu se uth ye waqt imam se phele apna sar uthate hai unhe Darna chahiye Allah ke is azaab se aur 

usko pata bhi hota hai ke Puri namaz Salam tak mujhe imam ke bad hee karna hai arkan e namaz fir unhe jaldi kaha Jane ki hai ??

From www.ekummat.blogspot.in share to all

JAB FARZ NAMAZ KE LIYE EQAMAT KAHI JAYE TO PICHE SUNNATE NA PADHE

Hazrat Abdullah bin Malik ibne buhainah raziallah se riwayat hai ke Rasool Allah ﷺ ne ek shaks Ko do rakat namaz padhte dekha jab ke

namaz ki EQAMAT ho chuki thi jab Rasool Allah ﷺ  namaz se farigh huye to logon ne us Aadmi Ko gher liye to tab Rasool Allah  ﷺ ne us shaks se farmaya kya Subha ki chaar rakat hai ??

Kya Subha ki chaar rakat hai ??

(( SAHIH BUKHARI # 663))

Aaj kuch log farz namaz khadi Hoti hai to piche sunnato padh rahe hote hai khas kar Fajr ki namaz me imam muslim ne farmaya ke jab farz namaz ke liye IQAMAT Kahi jaye to koi namaz nahi Aisa aur riwayato me Aya hai

From www.ekummat.blogspot.in share to all

WO SAAT LOG JO ALLAH KE SAAYE ME HONGE

Hazrat abu huraira raziallah se riwayat hai ke Rasool Allah  ﷺ ne farmaya saat qism ke logon Ko Allah ta.ala Apne saaye main jagah dega jis Roz uske saaye ke elaawah koyi aur Saaya na hoga

1) insaf karne wala hukmaraan
2) wo nawjawan jo Apne rab ki ibaadat main parwan chade
3) wo shaks jiska Dil masjid me Aatka raheta ho
4) wo do shaks jo Allah ke liye Dosti karein jama ho to isliye juda ho to isliye
5) woh shaks jise koi khoobaru aur mu.azzaz aurat buraayi ki dawat de aur woh kehde ke main Allah se darta hu
6) woh shaks jo ISS qadar posheeda taur par sadqa de ke uske baayen haath Ko bhi pata na ho ke dayeen hath kya kharch karta hai ??
7) saatwa wo shaks jo khalwat main Allah Ko yaad kare to be saakhta Aansoo jaari ho jayain

((SAHIH BUKHARI # 660))

From www.ekummat.blogspot.in share to all

EQAMAT KE WAQT LOG IMAM KO DEKH KAR KAB KHADE HO ??

Hazrat abu qadaadah raziallah se hi riwayat hai unhone kaha ke Rasool Allah # ne farmaya jab namaz ki EQAMAT Kahi jaaye to tum us waqt tak khade na ho jab tak mujhe Aata dekh na lo

((SAHIH BUKHARI # 637))

Maloom hua ke jab imam masjid me na ho to phir imam ke Ane se phele namazi khade na ho balke unhe dekhne ke bad namaz ke liye uthen

To join this broadcasting list type yes send to +918082425339 share to all

DAGABAZ AUR GUNEHGAR ALLAH KO PASAND NAHI ISLIYE CHODH DE

Aur in ki taraf say jhagda na karo jo khud apni hi khayanat kertay hain yaqeenan dagha baaz gunehgar Allah Taalaa ko acha nahi lagta.

((SURE NISA # 107))

IS dunya me log chalbaz aur dagabaz logo Ko hoshiyar samajhta hai kahte hai yaar ke kya tarakki Kiya hai wagaira wagaira par yaad rakhe

Allah Ko naraz karke chahe kitni bhi tarakki karle bekar hai aur gunah Ko humne Aam kardiya hai Allah Ko razi kare GUNAHO Ko chodh do

Allah hame aur apko dagabazi  aur GUNAHO se bachne ki taufik de ameen

From www.ekummat.blogspot.in share to all

CHOTA BACCHA AGAR KHANA NA KHATA HO AUR WO APKE KAPDO PAR PESHAB KARE TO KYA KARE

Hazrat Qais binte mehsan Raziallah se riwayat hai ke wo Rasool Allah  ﷺ   ke pass apna chota bachcha lekar ayin jo Abhi khana nahi khata tha

Rasool Allah ﷺ use Apne god main bhaitha Liya to usne AAP ke kapde par peshab kardiya AAP ne Paani mangwaa kar USS par chidak diye Lekin use dhoya nahi

((SAHIH BUKHARI # 223))

Maloom hua ke ladke ke peshab par Paani chidak Dena kaafi hai albatta ladki ke peshab Ko dhona zaroori hai

Jo sheer khwa ho yani khana nahi khata ya khati ho

From www.ekummat.blogspot.in share to all

‌AGAR NAMAZ ME NEEND GALIB AJAYE HUM PAR TO KYA KARE ??

Hazrat Ayesha raziallah se riwayat hai ke Rasool Allah ﷺ ne farmaya ke jab tum main se koi namaz padh Raha ho us dauran agar ongh ajaye to wo so jaye take uski neend Puri ho jaye kyunke onghte hue agar koyi namaz padhega to woh nahi Janta ke Apne liye astaghfar kar Raha hai ya khud Ko bad dua de raha hai 

((SAHIH BUKHARI # 212))

issi hame malum hua ke jab insan ke uppar neend galib ajae to namaz na padhe kuch der so jaye aur fir padhle 

Aur haa koi shaks isko namaz chodhna ka bahana na banaye ke mujhe to neend hee ati hai balke uska haal Nikal kar namaz padhe kyunke

QURAAN ME ALLAH FARMATA HAI BARBADI HAI UNKE LIYE JO NAMAZ ME SUATI KARTE HAI AUR

‌Namaz har haal me farz hai aur Allah ne hame asaniya Rakhi hai namaz ke liye bhi alhumdulillah

From www.ekummat.blogspot.in share to all..

*PANI NA MILNE KI SURAAT ME 3 PHATTAR SE KAM ME ISTINJA NAHI HOTA*

Hazrat Abdullah bin Masood raziallah se riwayat hai unhone farmaya ke Rasool Allah ﷺ  ek dafa kazaaye hajat ke liye tashreef le Gaye aur mujhe teen patthar laane ka hukm diye do phattar to mil Gaye

Lekin talaash ke bawajood teesra na mil saka maine gobar ka khusk ( Sukha) tukda utha Liya aur woh AAP ke pass laya AAP ne dono patthar to le Liya gobar phenk diye aur farmaya ye paleed hai

((SAHIH BUKHARI # 156

Gobar ka tukde darasal gadhe ki leed thi jise Apne najiss Qatar diya phir Apne teesra patthar talab farmaya

Isse malum hua ke istinja Pani na hone ki Surat me ek phattar se nahi hota balke 3 hee se hoga warna app do hone ke bawajood teesra na mangwate aur teen phattar lane ka hukm na dete

From www.ekummat.blogspot.in share to all

*HAMARE PYARE NABI ﷺ KA AZEEM MAOJEEZA SAHABI KO HADEES YAAD HONA*

Hazrat Abu huraira raziallah se riwayat hai unhone farmaya maine Arz Kiya ya Rasool Allah ﷺ main AAP se bohut si hadeese 

sunta hoo Lekin bhool jata hoo

AAP ne farmaya apni chadar phailao chunanche maine chadar phailayi to AAP ne Apne donon haaton se chullu SA banaya aur chadar main daal diya phir farmaya ke ise Apne uppar lapet lo maine use lapet Liya uske baad main koyi cheez na bhoola 

(( SAHIH BUKHARI # 119))

Subhan Allah alhumdulillah ye hamare Aaqa alaisalam ka maozija tha jo abu huraira raziallah se Aaj Puri UMMAT Ko itni hadeese milti hai yehee wajah hai ke Sabse zyada riwayat inhi sahabi se milti hai

For daily what's app msg text me yes and send +918082425339

NABI AKRAM ﷺ KE NAAM PAR JHOOTI BATAIN KAHENE AUR MSG KARNE WALE RUKH JAO

Hazrat Ali raziallah se riwayat hai unhone kaha ke main ne Rasool Allah  ﷺ se suna AAP farma rahe the ( dekho) mujh par jhoot na bandhna kyunke jo shaks mujh par jhoot bandhega woh yaqeenan dozakh main jayega

((SAHIH BUKHARI# 107))

Aaj logo ke pas sirf Nabi ke Naam se koyi msg ajae to usko fauran bhejna shuru kar dete hai ye Jane bagair ke wo bat Nabi ne kahi hai bhi ya nahi kuch log to

Dara Dara kar send karne Bolte hai ke agar Zara bhi Imaan hai ya Nabi se Mohabbat hai to isko 12 logo send karo

Mohabbat apni jagah jahalat apni jagah mixup karoge to dozakh me jaoge

For daily what's app msg text Me on +918082425339 share to all

*JISKE TEEN BACCHE MARGAYE HAI WO GAM NA KARE SABR KARE UNKE LIYE DOZAKH SE PARDA HAI WO BACCHE*

Hazrat abu Sayeed khudri Raziallah se riwayat hai ke chandd auraton ne Rasool Allah ﷺ se Arz Kiya ke mard AAP se fayedain uthane me hum se age badh Gaye hain isliye

AAP apni taraf se hamare liye koyi din muqarrar farmadain AAP ne unki mulakat ke liye ek din ka wada karliyaa chunanche usdin Apne naseehat farmayi

Aur sharee,at ke ehkam bataye Apne unhe jo batain talqeen farmayi unme se ek yeh bhi thi ke tum main se jo aurat

Apne teen bacche Aage bhej degi to woh uske liye dozakh ki Aag se hijaab ban jaayenge ek aurat ne arz Kiya agar do BHEJE to ??

AAP ne farmaya ke do ka bhi yehee hukm hai aur

Hazrat abu huraira raziallah ki riwayat main ye ezafa hai ke wo teen bacche jo
Gunah ki umr yani buloog tak na pauche hon

((SAHIH BUKHARI # 101-2))

YANI jo bacche ladka ho ya ladki na balig marjaye na ke marde wo uske marne par sabr kare to

*For daily what's app msg text me +918082425339 share to all*

AURATON KA KAFEEL HOGA ILM KAM JAHALAT AAM HOGI

QAYAMAT KE KAREEB EK MARD 50 

Hazrat Ana's Raziallah se riwayat hai unhone farmaya main tumain ek hadees sunaata hoo jo mere bad tumain koi nahi sunayega maine Rasool Allah# Ko farmate huye ka Qayamat ki nishaniyo main se hai ke ilm-e-deen Kam aur jahalat ghaalib ho jayegi zeenakari Aam ho jayegi auratain zyada mard Kam honge yaha tak ke ek mard 50 auraton ka nigehban hoga 

((SAHIH BUKHARI # 81))

Mard ke Kam hone ki ek wajah ye batayei gayi hai ke Qayamat ke Kareeb ba kasrat Jung hogi jisme mard mare JAENGE aurtein baki rahe jaegi

From www.ekummat.blogspot.in share to all

*DEEN ME ZABARDASTI NAHI KE 40 DIN YA 4 MAHEENE JAMAT ME CHALO ASANI KARO*

Hazrat Ana's raziallah se riwayat hai ke Rasool Allah. ﷺ ne farmaya (Deen me) Asaani karo sakhti na karo aur logo Ko kushkhabri sunao unhe (Dara Dara kar) mutanaffir na karo
((SAHIH BUKHARI #69))

Deen ke bare me koi zabardasti nahi hidayat zalalat sey Roshan ho chuki hai
((SURE BAQARA # 256))

Aaj hum dekhte hai ke hamare bhai Deen me Sakti aur zabardasti karte hai
Jamat me le Jane ke liye 40 din ya 4 maheena chalo to hame Aisa zabardasti nahi karna chahiye Allah ne hame mana Kiya hai Mohabbat aur Aajizi se kaho ajae to tik warna koi masla nahi aur dawate towheed Ko Aam kare aur jamat me Jana hai ya nahi ye ek alag bahes hai yaha bahes ye hai ke zabardasti na ki  jaye Deen me

From www.ekummat.blogspot.in share to all

MUSIBAT ME DALNE WALA BHI ALLAH AUR NIKAL NE WALA BHI ALLAH

Koi museebat Allah ki ijazat kay baghair nahi phonch sakti jo Allah per eman laye Allah uss kay dil ko hidayat deta hai aur Allah her cheez ko khoob jannay wala hai.

((SURE TAGHBUN 64 AYAT ; 11))

Allah ki hikmat Ko hum kya Jane musalman Ko bas sabr karna chahiye aur dua karna chahiye Allah se kyunke uski ijazat ke bagair koi musibat hum par ayi nahi Sakti kuch musibat bataur e azmaish Hoti hai to kuch hamare GUNAHO Ko bakshwane ka zarya ya Imaan me agar koi kami hoto us musibat me wo durust ho jati hai musibat me jama Raha Imaan par tab Lekin

From www.ekummat.blogspot.in share to all

KUCH CHEEZEN HARAM HAI KUCH HALAL AUR KUCH MUSHTABEH AUR GOSHT KE TUKDE KI MISAL

Hazrat nomaan bin Basheer raziallah se riwayat hai unhone kaha main ne Rasool Allah ﷺ   se suna app  ﷺ   farma rahe the ke *halaal* zaahir hai aur *haram* (bhi) zaahir hai 

Aur in dono ke darmiyan kuch mushtabeh cheeze hai jine aksar log nahi jante pas jo shaks in mushtabeh cheezon se Bach Gaya usne apna Deen aur apni Aabroo Ko bacha Liya 

Aur Jo koyi un mushtabeh cheezon me mubtala ho Gaya uski misaal us charwaahe ki tarha hai jo Shashi charagaah ke aspas (Apne jaanwaron) charaaye qareeb hai ke charagaah ke andar uska (Janwar) ghus jaaye Aagah raho ke har badshah ki ek charagaah Hoti hai 

Khabar dar Allah ki charagaah uski Zameen main haram kardah cheezen hai Sunlo badan me ek tukda hai (ghost ka) jab wo sawar jaata hai to Sara badan sawar jata hai 

Aur jab wo bigaad jata hai Sara badan kharab ho jata hai Aagah raho woh tukda Dil hai 

((SAHIH BUKHARI# 52))

From www.ekummat.blogspot.in share to all

JO SHAKS DEEN KO KAMIL NAHI MANTA WO YAHOODIYO KE DEEN PAR HAI ZAROOR PADHE

Hazrat Umar bin khattab raziallah se riwayat hai ke ek yahoodi ne unse kaha aye ameeerul momineen tumari kitab (Quraan) main ek aisi ayat hai jise tum padhte rahete ho agar wo ayat hum yahoodio par naazil Hoti to hum usdin Ko eid ka din thaera lete 

Hazrat Umar ne kaha wo kaunsi ayat hai ?
Yahudi no bola ye ayat *Aaj maine tumare liye tumara Deen kaamil kardiya aur apna ehsaan bhi tum par tamam kardiya aur deen-e-islam Ko tumare liye pasand Kiya*

Hazrat Umar raziallah ne kaha ke hum usdin aur us maqam Ko jante hain jis Main yeh ayat Rasool Allah ﷺ par nazil hue ye ayat Juma ke din utri jab app arfaat main khade the 

((SAHIH BUKHARI #45))

Issi maloom hua ke hamara Deen Kamil hai yahudiyo ka nahi jo ye samajhna hai ke Deen Kamil nahi hai aur nawi nawi biddate ijat karta raheta hai biddate Hasna ke Naam par to wo yahudiyo ke Deen par hai musalman ke nahi

From ekummat.blogspot.in share to all

*ALLAH SAWAB DENE SE NAHI UKTAATA HUM HEE AMAL KARNE SE BEZAAR ATE HAI

*

Hazrat Ayesha raziallah se riwayat hai Rasool Allah  ﷺ  ek martaba tashreef laye wahan ek aurat bhaithi thi AAP ne pucha yeh Kaun hai

Hazrat Ayesha raziallah ne kaha ye Falah aurat hai aur uski kasrat-e-namaz ka haal bayan karne lagi Aap ne farmaya Ruk jao tum Apne zimme sirf Wohi kaam rakho jo(hamesha) kar sakte ho

Allah ki Kasam Allah ta.ala sawab dene se nahi uktaata tum hee ibaadat karne se thak jaaoge aur Allah Ko sab se zyada zyada Mehboob etaa.at ka woh Kam hai jiske karne wala uss par hameshgi kare 

((SAHIH BUKHARI # 43))

Issi maloom hua ke neeki aisi karo jo musalsal hamesha kar Sako bhale thodi hai par LAGATAR dusra ye ke itna Apne apko ibadat me na lagao ke Apne apko takleef ho Allah ta.ala kisi par uski taqat se zyada bojh nahi dalta

From ekummat.blogspot.in share to all

*JO GUNAH KI DAWAT DE WO BHI GUNAHGAR AUR JO NEKI KI DAWAT DE WO BHI NEIKUKAR*

Hazrat abu huraira raziallah se riwayat hai ke Rasool Allah ﷺ ne farmaya

Jis shaks ne hidayat ki dawat di use us hidayat ki pairvi karne walon ke ajar ke Barabar ajar milega aur unke ajar me koi kami nahi hogi

Aur jis shaks ne ne kisi gumrahi ki dawat di uspar uski pairvi karne walon ke Barabar gunah (ka bojh) hoga aur unke gunaho me koi kami nahi hogi

((SAHIH MUSLIM # 6804))

Gaur o fikr ki bat hai ke log Aaj hidayat ki Kam gumrahi ki dawat zyada dete hai jaise ke khud to pictures dekhne jare hai par kisi dost Ko bhi force karke le jate hai

Issi tarha what's app par gane bhejna gandi photo aur video bhejna ap khud ye sab kar rahe hai ye ek gunah hai par dusro Ko bhi gumrahi ki taraf le jakar ap aur zyada gunah ke haqdar na bane

From www.ekummat.blogspot.in share to all

*BIWI KAISE SHOHAR KI NA SHUKRI KARKE KUFR KARTI HAI YE DEKHE ALLAH KE NAZDEEK*

Hazrat IBNE abbas raziallah se riwayat hai ke unhone kaha Rasool Allah ﷺ ne farmaya maine dozakh me aksar aurto Ko dekha (kyunke) wo kufr Karti hai logon ne kaha

Kya wo Allah ka kufr Karti hai ??
AAP ne farmaya nahi balke woh Apne khawind ka kufr Karti hai yani na shukri Karti hai aur Ehsaan faraamoosh hai

Wo yun ke agar tu saari umr aurat se acha sulook kare phir wo (mamooli si na gawar) baat tujh main dekhe to kehne lagti hai ke mujhe tujh se kabhi Aaram nahi Mila

((SAHIH BUKHARI HADEES NO. 29))

Ye bat Aaj Aam hai shohar apni biwi se Mohabbat ki khatir aur Allah ki Raza ke liye har Mumkin koshish karta hai ke wo kush rahe

Par shohar insan hee hai kisi Kam me usse khata ya bhool ho jati hai aur biwi kahe deti hai tumne ajtak mere liye Kiya hee kya hai maa baap ke yaha gareebi me bhi Rani banakar rakhe the mujhe etc

From www.ekummat.blogspot.in share to all

JO KHATEEB SIRF KAHETA HAI AUR USPAR AMAL KUCH NAHI KARTA USKE HONT (LIPS) KATE JAENGE

 Nabi Kareem (ﷺ) ne Meraj ki raat Aise  qaum  ko dekha jiske hont (lip) kate jarahe the jab aap (ﷺ) ne Jibrayeel Alaihis salam se unke bare me puchha to unho ne unke bare me farmaya

 *"Yeh aap ke ummat ke woh khateeb (Muqarrir) hain jo aasi baten karte the jinpar khud amal nahi karte* the or *yeh Allah ki Kitab (Quran) ki tilawat to karte the lekin uspar amal nahi karte the.

((MUSNAD AHMED HADEES NO. : 2381))
Maujuda Daur me aise khateeb apko mil jaenge jinka charcha bohot hai Lekin sirf kahene Ko Aisa khateeb Alim wa dhae jahunnum me bhi phele hee jaenge

Ha alhumdulillah par Aaj alhumdulillah ahle haq ulma ki ek taweel jamat Aaj bhi maujud hai jiske qaul aur fail me kabhi ap fark nahi paoge alhumdulillah
Allah ahle haq ulma ki hifazat kare ameen

From www.ekummat.blogspot.in share to all

SAHABA KA KAHENA KE AMAL AISA HOKE MUSHAKKAT HO AUR NABI KA GUSSA HONA

Hazrat Ayesha raziallah se riwayat hai unhone farmaya ke Rasool Allah ﷺ jab sahaba Kram Ko hukm dete to unhi kaamon ka hukm dete jinko woh baa asani kar sakte the unhone arz Kiya yaa Rasool Allah ﷺ hamara haal AAP jaisa nahi hai

Allah ne to apki agli pichli har kotaahi se dar guzar farmaya hai ye sunkar AAP is qadar naaraaz huye ke aap ke chehere Mubarak par ghusse ka asar zaahir huwa phir app ne farmaya

Main tum sab se zyada parezgar aur Allah Ko jaanne wala hoon

((SAHIH BUKHARI HADEES NO. 20))

Nabi kareem ﷺ is wajah se gussa hue kyunke sahaba Kram ye kahete the ke Amal Aisa hona chahiye ke jisse hame karne ne mushakkat paida ho ya takleef ho

Issi liye Nabi gussa hue ke Deen Apne hisab se na chaho

From www.ekummat.blogspot.in share to all

SURE MUDASSIR SE LAGATAR WAHI KA NUZOOL HONA

Hazrat jaabir bin Abdullah Ansari raziallah se riwayat hai unhone Rasool Allah ﷺ ki zabaani bandish-e- Wahi ka waqiya suna app ne bayan farmaya

Ek Roz main raaste se guzar Raha tha ke achanak mujhe Aasman se ek awaaz sunaayi di main ne sar uthaya to dekha ke wohi Farishta jo mere paas ghaar-e-hira main Aya tha

Aasman wa Zameen ke darmiyan ek kursi par bhaitha huwa hai Mai use dekh kar sakt Dehshat zadah ho Gaya Ghar Laut kar main ne Ehle khana se kaha mujhe chadar odhao (unhone mujhe chadar odhadi) us waqt Allah ta,ala ne Wahi nazil ki

Aye chadar lapet kar sone wale utho aur khabardar karo aur Apne rab ki badayee ka ehlaan karo aur Apne kapde paak rakho aur gandagi se door raho *(SURE MUDASSIR)*

Phir NUZOOL-E-WAHI main tezi agayi aur Laga taar naazil hone lagi

((SAHI BUKHARI HADEES NO. 4))

From www.ekummat.blogspot.in share to all

*NABI AKRAM ﷺ KI NUZOOL-E-WAHI KI KAIFIYAT KYA THI ??*

Hazrat Haris bin Hisham raziallah se riwayat hai ke Hazrat Haris bin Hisham raziallah ne Rasool Allah ﷺ se pucha ya Rasool Allah ﷺ AAP par Wahi kaisi Aati hai ??

To Rasool Allah ﷺ ne Irshad farmaya kabhi to Wahi Ane ki kaifiyat ghanti (bell) ki tan tan ki tarha Hoti hai

Aur ye kaifiyat mujh par bohot giran (mushkil) guzarti hai phir jab Farishte ka Paigham mujhe yaad ho jaata hai to yeh Ruk jati hai

Aur kabhi farishta Insaani shakl main mere pas akar mujhse hum Kalam hota hai aur kuch wo kehta hai main use mehfooz (yaad) kar leta hoon

Hazrat Ayesha raziallah ka bayan hai ke main Rasool Allah ﷺ Ko dekha ke jab Wahi Aati to uske mauqoof hone par apki peahani se paseena phoot padhta

((SAHI BUKHARI HADEES NO. 2 ))

Quraan me Allah farmata hai ke agar hum Quraan kisi pahad par nazil karte to wo Reza Reza ho jata

Allah ne Nabi Ko ye quwwat Ata k thi jisse wo ye kaifiyat Ko bardasht kare hai *Subhan Allah*

From facebook.com/ekummat like and share plz

*AGAR TUM MOMIN HOTO SIRF ALLAH SE DARO KISI GOVERNMENT YA SARKAR SE NAHI*

Aur tumare rab ne kaha hai : tum mujhe pukaro main tumari (dua.yain) qabool karunga bilaa shubah jo log meri ibaadat se sar Kashi karte hain wo anqarib zaleel wo khaar hokar jahannam main Dakhil honge
((SURE MOMEENOON AYAT : 60))

Allah ta'ala hee se darne ka hukm:
Allah ta,ala ne farmaya pas tum un ( kafeero) se na Daro aur mujh hee se Daro agar tum momin ho
((SURE ALE-IMRAAN AYAT : 175))

Aaj satta wa sarkar falah shaks ki agayi hai to log usse dar rahe hai uski sarkar hai ab Aisa Aisa ho ho jaega wo ho jaega ye ho jaega wagaira wagaira

musalman Ko khauf khane ki zarurat nahi agar wo momin hai to ye shart Allah ne lagae hai AJ musalman Apne Amal ki wajah se pareshan hai na ke sarkar ki wajah se

from www.ekummat.blogspot.in sabko BHEJE PLZ

*AaJ LOG MASJIDO ME BHI GAIRULLAH KO PUKARTE HAI JISKO ALLAH NE QURAAN ME MANA FARMAYA HAI*

Aur yaqeenan masjidain Allah hee ke liye hain lehaza Allah ke sath kisi Ko bhi na pukaro
((SURE AL-JINN AYAT ;18))

nazr namaz Faryad zabah sadqa pukar na madad talab karna tawakkul karna hajj umra tawaf qayam sajda ye sab Allah ke liye khas hai pas jis shaks ne in ibaadat main se kisi bhi qism Ko gairullah ke liye  maksoos kardiya wo mushrik hai

Allah farmata hai :
Aur Jo koyi Allah ke sath kisi aur mabood Ko pukare jiski uske pass koyi daleel nahin to yaqeenan uska hisab uske rab ke pass hai beshak kafir Falah nahi paayenge
((SURE MOMEENOON AYAT :117))

Aaj kahi masjido main hame dekhne Ko milta hai ke log masjid ke andar khade hokar ya Falah  ya Falah kahe kar pukarte hai isse ap bhi wakif honge ye shirk hai

from www.ekummat.blogspot.in sabko BHEJE plz

ALLAH KI NEHMAT PAR SHUKR ?? YA NA SHUKRI ??

Aye logo tum Apne rab ki ibaadat karo jisne tume paida Kiya aur in logon Ko bhi jo tumse phele the taake tum parezgar ban jaao

wo (rab) jisne tumare liye Zameen Ko bichaowna banaya aur asman Ko chaat (banaya) aur usne asman se Paani nazil Kiya phir uske zariye se (kayi qism ke) phalon se tumhaare liye rizq nikaala

pas tum
Allah ke sath shareek na thaerao ISS haal main ke tum jante ho

((SURE BAQARA AYAT ; 21 ,22 ))

Allah ki itni nehmat Lene ke bad bhi ek musalman gairullah Ko pukare ??

usko Allah ki qudrat ka ilm nahi samjho
usne kisi aur Ko apna hajat rawa mushkil kusha samajh bhaitha hai

from www.ekummat.blogspot.in share to all

ISLAM KA BUNYADI FARIZA

Allah ta'ala ne farmaya hai
zamane ki Kasam be Shak Insaan khaasare main hai siwaye in logon ke jo eemaan laaye aur unhone Nek Amal Kiya aur ek dusre Ko haq ki talkeen ki aur doosre Ko sabr ki talkeen ki
((SURE AL-ASR AYAT :1 SE 3))

Imam shafayi rahimahullah ne farmaya
agar Allah ta'ala apni makhlook ke liye mehaz iss Surat (AL-ASR) ke elaawah koyi aur daleel naazil na bhi farmata to to bhi Bani now Insaan ki kamiyabi ke liye sirf yehee soorat kaafi thi
(( TAFSEER IBNE KASEER  4/3089))

Imam Bukhari rahimahullah sahi Bukhari me farmata hai qaul o Amal se phele ilm zaroori hai
((SAHI BUKHARI BABUL ILM :68))

Sab se phele ilm hasil karna fir Amal karna fir dawat Dena ye Islam ki bunyad hai

aur is Kam me apko mushkilat ayenge in mushkilat me sabr karna


*NOTE* HAMARE OLD SARE MSG READ KARNE KE LIYE YE LINK PAR CLICK KARE NICHE WALI
from ekummat.blogspot.in sabko bheje plz

*ALLAH KE NAZDEEK ISLAM HEE DEEN HAI*

Allah ta'ala ka Irshad hai bila shubah Allah ke nazdeek Deen Islam hee hai
((SURE ALE-IMRAAN AYAT ; 19))

*HADEES*
Amr bin Aas (r.a) bayan karte hain ke Mai Nabi sallallahu alaiwasallam ki khidmat main Hazir huwa aur kaha apna daayan hath Aage kijiye taake main apki bai'at karoon AAP ne apna daayan hath Aage Kiya to maine apna haath peeche kheench Liya Nabi sallallahu alaiwasallam ne pucha aye Amr Kiya huwa ??

maine kaha ek shart rakhna chahata hoon Aap ne farmaya kaunsi shart rakhna chahate ho maine kaha (GUNAHO ki) maghfirat ki tab AAP ne farmaya aye Amr Kiya tujhe maloom nahin ke Islam pichle saare gunaah Mita deta hai

((MUSLIM KITABUL EMAAN : 321))

Allah ke is Deen par qurbani jaun Sabse bada gunah kufr aur shirk jab Islam Lao to maaf ho jata hai

to hamare jo Roz gunah hote hai kya Allah maaf nahi karega ?? bas tauba sachhi ho aur wohi gunah dubara na karne ka wada karlo Allah se

from EK UMMAT GRP SABKO BHEJE PLZ

HARAM KHANE AUR PAHEENE WALON KI DUA KABOOL NAHI HOTI

Abu huraira (r.a) bayan karte hai ke Rasool Allah sallallahu alaiwasallam ne farmaya aye logon beshak Allah ta'ala (khud) bhi Pak hai aur paak cheezon hi Ko pasand farmata hai aur beshak Allah ta'ala ne jo hukm Apne rasoolon Ko diya wohi hukm eeman walo Ko diya (rassolon) Ko farmaya

Aye rasoolon pakeeza cheezon khaao aur aur Nek Amal karo beshak jo tum karte ho mujhe acchi tarah uska ilm hai
((SURE MOMINOON AYAT ; 51))

Aur (mominon Ko) farmaya aye Imaan walo hamari di hue pakeeza cheezen Khao
((SURE BAQARA AYAT : 172))

Aur phir Aap sallallahu alaiwasallam ne aise Aadmi ka zikr Kiya jo Lamba Safar karta hai aur gard-o-ghubaar main ata hua paraagandah haal hai aur aise haal main (jo dua ki qubooliyat ke liye nehayat munaseeb hai) Aasman ki taraf hath  uthhaata hai ( dua karte hue kaheta hai) *aye mere rab aye  mere rab* Lekin uska khana haram ka hai peena haram ka hai libas bhi haram ka hai aur haram hi se wo pala hua hai to phir aise admi ki dua Kyun kar qabool ho ??

((MUSLIM KITABUL ZAKAT : 2346))

aye Allah hamare zindagi ka akhri khana peena aur pahenne halal ka Naseeb farma ameen

from EK UMMAT GRP SABKO BHEJE PLZ

*NEKI KAR FACEBOOK PAR DAAL (LETEST KAHAWAT)*

Hazrat umooma al-bahil r.a bayan karte hain ke ek shaks Rasool Allah sallallahu alaiwasallam ke pass akar kehne Laga

Agar koi shaks mazdoori haasil karne ke liye aur shaorat pane ke liye jehaad kare to ap ka uske mutaliq Kiya khayal  hai ??

Rasool Allah sallallahu alaiwasallam ne farmaya uske liye kuch bhi (sawaab) nahi hai us shaks ne apna yehee sawal teen bar dohraya AAP  ne bhi usko teen Baar yehee jawab diya aur farmaya beshak Allah ta'ala koyi bhi Aisa Amal kabool nahi karta jo Khalis uski Raza ke liye na Kiya Gaya ho

((SUNAN NASAI KITABUL JIHAD : 3142 ALBANI NE ISE HASAN KAHA HAI))

kya Aaj hamare Sara Amal Khalis Allah ke liye hai ??
AJ aksar log Amal Jane anjane ne dikhawe ke liye karte hai yehee Riya hai jo Allah ke yaha kabool nahi aur shirk bhi hai aur jihaad jaisa Azeem  Amal jab dikhawe se barbad ho jata hai to baki Amal ke bare ap khud soche

from EK UMMAT GRP SABKO BHEJE PLZ

APNE AMAL KO MITTI (DUST) KI TARHA NA UDHAYE

Pas uss (Riya Kari) ki misal aise hee hai jaise patthar ki chattan par (thodi si) mitti ho phir uspar Zor daar barish barsi phir usne us patthar Ko (mitti se) bilkul saaf kar diya jo unhone kamaya uspar wo kuch bhi qudrat nahi rakhte aur Allah ta.ala kafiron Ko hidayat nahi deta

(( SURE BAQARA : AYAT : 264 ))

Yani Jis tarha Zor ki barish patthar par PADI  hue mitti Ko Baha le jaati hai aise hee Riya Kari bhi insan ke Nek Amal Ko Baha le jati hai

to hame awwalan to Nek Amal karna hai fir uski HIFAZAT karna hai raega hone se bacha kar
NOTE;;
 RIYA KARI YANI DIKHAWA KARKE KARNE WALE AMAL

FROM EK UMMAT GRP SABKO BHEJE PLZ

*APNE QIMTI AMALO KI HIFAZAT KARE IN DO CHIZO SE BACH KAR*

Aur yaqeenan apki taraf aur apse phele (ambiya) ki taraf bhi Wahi ki gayi hai agar Apne shirk Kiya to bila shuba app ke (Nek) Amal zaae ho jaenge aur ap zaroor khasara uthane walon main se ho jaenge

*(SURE ZUMAR ; 65)*

jo log is (Rasool (saw)) ke hukm ki mukhalifat karte hain unhe is bat se Darna chahiye ke kahin unhe koi museebat na Aan pade ya unhe koi dardnak azaab na Aa pakde

*(SURE NOOR : AYAT 63)*

ye do Amal ayese hai jisse amal barbad ho jate hai khwan wo Nabi ho ya wali par isse musalman Aaj kuch be khabar hai aur kuch jaan kar bhi anjan hai jaise sunnat ki mukhalifat karna nafs Ko mabood banana etc

Allah hame shirk o biddat se mehfooz kare aur Allah ka sacha pakka Banda aur sunnato par Amal karne wala banae Ameen

from EK UMMAT grp sabko bheje plz

*ALLAH KI REHMAT SE MAYOOS NA HONA AUR GUNAHO SE BACHTE RAHENA*

*(AYE NABI)* AAP logon se keh dijiye aye mere bando jinho ne apni janon par zyadati ki hai Allah ki Rehmat se mayoos na hona Allah yaqeenan sare hee guna maaf kar deta hai kyunke wo gafuroor Rahim hai

*((SURE ZUMAR : AYAT 53))*

 Lekin iska ye MATLAB hargiz nahi hai ke insan is ayat ke sahare gunah karta chala hee jaye balke jo shaks chahata hai ke Mai jahannam ke azaab  se Bach jaun Jannat me Dakhil ho jaun use chahiye ke gunaho se bachne ki koshish kare aur sath sath aise Amal bhi kare jo gunaho ke mail kuchail saaf karde

from *EK UMMAT* grp sabko bheje plz